கர்ப்பகால நீரிழிவால் தாய்க்கு என்னவெல்லாம் சிக்கல் வரும்?

·        கர்ப்பகால நீரிழிவை கட்டுப்படுத்தாத தாய்க்கு, பிரசவ நேரத்தில் உயர் ரத்த அழுத்தமும் சிறுநீரில் அதிக புரோட்டீனும் ஏற்பட்டு சிறுநீரகம் பாதிக்கப்படலாம்.

·        சிசேரியன் மூலம் குழந்தை பெற்றாலும், பிரசவத்திற்குப் பிறகு அதீதமான ரத்தப்போக்கு ஏற்படுவதற்கு வாய்ப்பு உண்டு.

·        பிரசவம் முடிந்தபிறகும் நீரிழிவு நோய் மறைந்துபோகாமல், டைப் 2 நீரிழிவாக தொடர்வதற்கு வாய்ப்பு உண்டு.

·        பிரசவத்திற்கு பிறகு உடல் எடை கட்டுப்படுத்த முடியாமல் மளமளவென அதிகரிக்கலாம்.

அரிதாக ஒருசிலருக்கு இதயத்திலும் பிரச்னை ஏற்பட வாய்ப்பு உண்டு.. பிரசவ நேரத்தில் வலிப்பு ஏற்படவும், இதய வலி ஏற்படவும் கர்ப்பகால நீரிழிவு காரணமாக அமையலாம். இதனால் எதிரபாராத வகையில் தாயின் உயிருக்கு ஆபத்து ஏற்படலாம். அதனால் கர்ப்பகால நீரிழிவு நோயை மிகவும் கவனத்துடன் கட்டுப்படுத்த வேண்டியது அவசியம்.