நரம்புகளைத் தூண்டும் பெருங்காயத்தின் ரகசியம் தெரியுமா?இதை படித்து தெரிந்துகொள்ளுங்கள்!!

கசப்பு மற்றும் காரத்தன்மை கொண்ட பெருங்காயத்தை சமையலில் பயன்படுத்தும்போது அற்புதமான வாசனை கிடைக்கிறது. சாம்பார், ரசத்தில் பெருங்காயம் பயன்படுத்தும்போது சுவை நரம்புகளைத் தூண்டி ருசியை அதிகப்படுத்துகிறது.

• உணவுகளை அதிவிரைவில் செரிக்கவைக்கும் தன்மை பெருங்காயத்துக்கு இருக்கிறது.

• வாயுக் கோளாறை சரி செய்யும் தன்மை இருப்பதால் வயிறு உப்புசம், வயிறு வலி போன்ற பிரச்னைகளை மட்டுப்படுத்துகிறது.

• மலச்சிக்கலை நீக்குவதுடன் குடலில் இருக்கும் புழுக்களை அழிக்கும் தன்மையும் பெருங்காயத்துக்கு இருக்கிறது.

• மூச்சு தொந்தரவு இருப்பவர்கள் பெருங்காயப் பொடியை அனலில் போட்டு புகையை சுவாசித்தால் மூச்சடைப்பில் இருந்து நிவாரணம் கிடைக்கும்.

வெங்காயம், பூண்டுக்கு உள்ள மருத்துவ குணங்கள் பெருங்காயத்துக்கும் உண்டு. நரம்பு, மூளை சுறுசுறுப்பாக செயல்படவும் பெருங்காயம் சிறப்பாக செயலாற்றுகிறது.