இந்தியாவிலும் இலங்கையிலும் அதிகமாக காணப்படும் பிரண்டையின் வேர், தண்டு பாகங்கள் பயன் தரக்கூடியவை. மிகுந்த பசி உண்டாக்கும் தன்மை கொண்டது என்பதால் குழந்தையின் வளர்ச்சிக்கு ஏற்றது.
• பிரண்டை தண்டின் தோலை சீவி, சதைப்பகுதியை மட்டும் வேகவைத்து அல்லது குழம்பு வைத்து சாப்பிட்டால் மெலிந்த உடல் தேறி, மினுமினுப்புடன் புஷ்டியாகும்.
• பிரண்டைத் துவையல் செய்து சாப்பிட்டால் செரிமானக் கோளாறு நீங்கும். வயிற்றுப்புண் மற்றும் குடல் புழு தொந்தரவு அகலும்.
• பிரண்டையால் செய்யப்பட்ட வடகத்தை சாப்பிட்டுவந்தால் சளி, இருமல் போன்ற பிரச்னைகள் மட்டுப்படும்.
• பிரண்டை வேரை காயவைத்து பொடி செய்து சாப்பிட்டால் எலும்புகள் பலமடையும், பற்கள் நலமடையும்.
கார்ப்பு, புளிப்பு சுவை நிறைந்த பிரண்டையை ரசம், சாதம், துவையல் போன்ற வகையிலும் பயன்படுத்தி, உடல் ஆரோக்கியம் பெற்றுக்கொள்ள முடியும்.