முளைக்கீரை பரவலாக எல்லா இடங்களிலும் எல்லா காலங்களிலும் கிடைக்கக்கூடியது. பச்சை மற்றும் சிவப்பு நிறங்களில் கிடைக்கும் முளைக்கீரை இரண்டுமே ஒரே மாதிரியான சத்துக்கள் கொண்டவை.
• வைட்டமின் சி, சுண்ணாம்புச்சத்து, இரும்புச்சத்து, தாமிரம், பொட்டாசியம் போன்ற சத்துக்கள் நிரம்பியிருப்பதால் நோஞ்சான் உடலை புஷ்டியாக்கும் தன்மை கொண்டது.
• எளிதில் ஜீரணம் ஆகக்கூடியது, பசியைத் தூண்டக்கூடியது என்பதால் கர்ப்பிணிகளுக்கும் முதியவர்களுக்கும் ஏற்றது.
• உடல் சூட்டை தணித்து குளிர வைப்பதுடன், நரம்புக்கு சுறுசுறுப்பு கொடுக்கிறது. ரத்தக்கொதிப்பு, பித்த எரிச்சலைக் குறைக்கிறது முளைக்கீரை.
• வைட்டமின் சி நிரம்பியிருப்பதால் சளி, இருமல், தொண்டைக்கட்டு போன்ற பிரச்னைகளுக்கு ஏற்றது.
தொடர்ந்து குழந்தைகளுக்கு உணவில் முளைக்கீரை கலந்து கொடுத்துவந்தால், மூளை சுறுசுறுப்படையும், பாடத்தில் கூடுதல் கவனம் செலுத்துவார்கள்.