உங்கள் முகத்திற்கு ஏற்ப புருவம் எப்படி வடிவமைப்பது தெரியுமா?

வட்ட முகம்:

வட்டமான
முகத்தை நீள்வட்டமாக காட்டும்படி புருவம் அமைய வேண்டும்.
அதனால் புருவமானது பருமனாக ஆரம்பித்து, அடுத்தடுத்துக்
குறுகிக் கொண்டே செல்ல வேண்டும்.
வெளிப்புற முடிவில் இருக்கும் தேவையற்ற முடிகளை அகற்றினால் அழகாக
இருக்கும்.

நீள்வட்ட
முகம்:

இவர்கள்
புருவம் இலேசாக மேலேற வெளிப்புறம்
கொஞ்சமாகவே கீழிறங்க வேண்டும். பார்ப்பதற்கு, தூரத்தில் பறக்கும் பறவை மாதிரி இருக்கும்.
வெளிப்புறமாக இருக்கும் தேவையற்ற முடியை அகற்றி விடுங்கள்.
முடியுமிடத்தில் மிகவும் மெலிதாக இருக்கட்டும்.

சதுர முகம்:

சதுர முகத்தை வட்ட முகமாக
காட்டும் பணியை புருவங்கள் செய்ய
வேண்டும். அதனால் புருவ வளைவு
அகன்று இருக்க வேண்டும். புருவ
முடிகளின் வரிசையில் உள்பக்கமாக இருப்பவற்றைத்தான் அகற்ற வேண்டும். அதுதான்
முகத்தின் சதுரத் தன்மையைத் குறைத்துக்
காட்டும்.

நீளமான
முகம்:

இந்த வகையான முக அமைப்பு
உள்ளவர்கள் புருவம் மிகச் சிறியதாக
இருந்தால்தான் முகம் கொஞ்சமாவது வட்ட
வடிவில் தென்படும். அதனால் நேராக, வளையாமல்
சிறியதாக புருவம் அமைத்துவிடுவது நல்லது.
புருவத்தின் ஓரங்களில் மட்டும் மிகச்சிறு அளவு
வளைந்து விடுங்கள்.