டயட் சோடா என்பது கார்பனேற்றமடைந்த, செயற்கையான இனிப்புபொருட்கள், சுவையூட்டிகள் நிறைந்த தண்ணீர் போன்ற கலவை தான். இவை மிகக்குறைந்த அளவில் கலோரிகள் அல்லது கலோரிகள் எதுவும் இல்லாமல் இருக்கும்.
· எல்லா டயட் சோடாக்களிலும் ஆஸ்பார்ட்டமே (ASPARTAME), சாக்கரின், சுக்ரலேஸ் போன்ற செயற்கை இனிப்பு சுவையூட்டிகள், இது நாம் உபயோகப்படுத்தும் சாதாரண சர்க்கரையைவிட 200- 13,000 மடங்கு இனிப்பு சுவை அதிகம்.
· நிறத்திற்காக, கரோட்டினாய்டு, ஆந்தோசயனின், கேராமில் போன்றவை சேர்க்கிறார்கள். கெடாமல் பாதுகாக்க, பொட்டாசியம் பென்சோயேட் என்ற வேதிப்பொருள் சேர்க்கிறார்கள்.
· டயட் சோடா எடுத்துக்கொள்ளும் போது, பசியைத்தூண்டி, இனிப்புசுவைக்கான ரிசப்டார்களை மூளையில் தூண்டுகிறது. இவ்வாறு தூண்டும் போது கலோரி அதிகம் உள்ள உணவுகளை உட்கொண்டு உடல்பருமன் அதிகரிப்பதாக ஆய்வுகள் தெரிவிக்கிறது.
டயட் சோடாவால் ஏற்படும் விளைவுகள்
· உடலில் எலும்பு அடர்த்தி குறைகிறது.
· டயட் சோடாவை ஆல்கஹாலுடன் சேர்த்து எடுத்துக்கொள்ளும் போது அது காக்டெயிலை விட அதிக போதை தருவதாக அமைகிறது.
· மூளையில் சுவையை பிரித்தறியும் திறன் இல்லாமல் போய்விடும்.
· இரத்த அழுத்தத்தை அதிகரிக்கச் செய்கிறது.
· டயட் சோடாவை அதிகஅளவில் எடுத்துக்கொள்ளும் போது சிறுநீரகத்தைப் பாதிக்கிறது.
· டயட் சோடா எடுத்துக்கொள்ளும் போது மூளையில் உள்ள நியூரோ டிரான்ஸ்மிட்டர்களை பாதித்து, திரும்ப திரும்ப எடுத்துக் கொள்ளத் தூண்டி போதைக்கு அடிமையானது போன்ற உணர்வை ஏற்படுத்துகிறது.
· இதன் பேரே டயட் என்று இருப்பதால் இது உடல் எடையை குறைப்பதற்கான பானம் என்று அர்த்தமில்லை.
· சாதரணமாக பீர் எடுத்துக் கொள்பவர்களைக் காட்டிலும், டயட் சோடா எடுத்துக்கொள்பவர்கள் மூன்று மடங்கு எடை அதிகரிக்கிறார்கள்.
· டயட் சோடா உடலில் புத்துணர்ச்சியை ஊட்டினாலும் மாரடைப்பு ஏற்படுவதற்கு காரணமாகிறது.
-ராமலெட்சுமி