இந்த உலகில் விலை மதிக்கவே முடியாதது குழந்தையின் புன்னகை தான். குழந்தைகள் எது செய்தாலும் அழகுதான். குழந்தைகளின் உலகமே மிகவும் சுவாரஸ்யம் ஆனது, குழந்தைகள் செய்யும் குறும்புத்தனங்களைப் பார்த்துக்கொண்டு இருந்தாலே நேரம் போய்விடும். அதனால் தான் குழல் இனிது யாழ் இனிது என்பர். தன் மக்களின் மழலை சொல்லை கேட்காதவர்கள் எனத் தொன்றுதொட்டு சொல்லப்படுகிறது.
குழந்தைகளின் உலகமே குதூகலமானது. ஒரு கூடை நிறைய பூக்கள் பூத்தால்கூட ஒரு குழந்தையின் சிரிப்புக்கு ஈடு ஆகாது எனச் சொல்லும் அளவுக்கு குழந்தைகள் உற்சாகத்துள்ளல் போடுவார்கள். அதிலும் மூன்று வயதுவரை அவர்கள் செய்யும் செயல்கள் ஒவ்வொன்றும் மிகுந்த ரசனைக்குரியதாக இருக்கும்.
‘அழகுக்குட்டி செல்லம் உன்னை அள்ளித்தூக்கும் போது..பிஞ்சு விரல்கள் மோதி’ எனத் தொடங்கும் பிரித்விராஜின் திரைப்பட பாடலில் குழந்தைகளின் அழுகை, சிரிப்பு என பல்வேறு கோணங்களையும் காட்சிப்படுத்தி இருப்பார்கள். அதைப் பார்த்தாலே நம்மையும் அறியாமல் புத்துணர்ச்சி வரும்.
குழந்தைகளின் செய்கைகளைப் பார்த்தாலே நமக்கு நேரம் போவதும் தெரியாது. எந்த கஷ்டமான சூழலில் நாம் இருந்தாலும் குழந்தைகளோடு இருந்தால் அந்த வலி பஞ்சாகப் பறந்து போகும். இங்கேயும் அப்படித்தான். இரண்டரை வயது மட்டுமே ஆன குட்டிக் குழந்தை ஒன்று தன் குடும்பத்தினரோடு சேர்ந்து சாப்பிட அமர்ந்தது.
அந்த வீட்டில் எப்போதுமே சாப்பிடும்முன்பு ப்ரேயர் செய்வது வழக்கம். கிறிஸ்தவ குடும்பமான அவர்கள் ஒன்றாக அமர்ந்து சாப்பாட்டுக்கு முன்பு ப்ரேயர் செய்து கொண்டிருந்தனர்.
அது நீண்ட நேரமாகத் தொடரவே பொறுமை இழந்த பொடியன் இடையில் மெதுவாக கண்ணைத் திறந்து, சாப்பாட்டில் கொஞ்சத்தை எடுத்து வாயில் போட்டுவிட்டு மீண்டும் ப்ரேயர் செய்வது போல் கண்களை மீண்டும் மூடிக்கொள்கிறான். டேய்…ஆண்டவனையே ஏமாத்துறியா? என செல்லமாக இந்த வீடியோவில் நெட்டிசன்கள் கமெண்ட் அடித்து வருகின்றனர்